يرحمهم ناس بكري ما خلاو ما قالو
ما ثماش حاجة ما جبدوش عليها
هموم جامدة...
تقول انت نساو,شاحو,قلقوا,شي...
في النجارة في الزوايل...في عرق الاسي
انهاشي في الشرعية الدولية حتي هي عندهم فيها ما يقولوا..."ما ابعد مكة علي بوحمار" واش قولك في الديمقراطية و لو يقول القايل اش عندهم في السوق ما يذوقو..."الي يركب عالبهيم يحمل بصو"...ريت ماقواهم ناس بكري...
ما تعرفوهمش...سخوطاااااااااات
هكة علاش احنا لا فلحنا لا في فلاحة,لا في هندسة,لا في صنعة...
كان حبيت مادام ناس بكري,النهار الكل و هوما ملطوخين علي حصيرة و الا فردة بنك...يعطيوا في الكلام و الجماعة تقيد في الزمام للاجيال الصاعدة
اكتب لي يا طفل في الاصلاح الاداري"الاقربون اولي بالمصروف"...اكتب لي يا طفل في المجتمع المدني"اخطي راسي واضرب" و توة يا طفل اكتب لي في النظام العالمي الجديد"اللي حج حج و اللي عوق عوق" و توة اكتب يا طفل في التنظيم العائلي"اللي يعمل بيدو ربي يزيدو"...ريت ماو ناس بكري ما ثماش...انت تجي تحل فمك تحب تشارك معاهم بطليعة...و هو يقلك لا سكر فمك...ناس بكري سبقوك و قالوها...
انا الراجل نكلم فيه بالسياسة قتلو موش معقول هكة تسد علينا في الثنية و هو يعملي ناس بكري قالوا...اش عندي في جد بوهم ناس بكري اش قالوا ...شي يقهر
احتكار هذا ولي ما عادش حاجة اخري...ما عندهمش ورثاء والا حد يمثلهم قدام القانون ...بيت الحكمة مش تابعتهم زعمة؟
ما تعرفوش حد واصل نكلموه عليهم...يخليولنا معاهم طريق ناس بكري
زعمة كان نبعث لمجلس النواب ما ينجموش يلقاولي تاويل...ماو زادة النواب نخاف لا هوما بيدهم يبداو شوية بكري...و ما نخلطش عليهم..نلقاوهم خرجوا
اه ...هوما بربي اش قالوا ناس بكري في مجلس النواب؟؟...قالو "يا نايب يا كريم" باهي بسلامة توة
كلام اليل
Aucun commentaire:
Enregistrer un commentaire