.نكره لفروخ الصغار

نكره لفروخ الصغار في الدم...
امالة اش معنتها هوما يبولوا علي ارواحهم و انا لا,واللي هذا يتعدي يمغمغ و يبوس يا قنوشو يا قنوشو...وانا لا
وفي كل بقعة يركبوا بشطر السوم...و يقيلوا في الروضة بنات و اولاد...و انا لا؟
اش معنتها بنت جارتنا تهزهم في شونها و انا لا...
ماخيبهم و ماكثرهم...كل ما يكسروا عروسة يجيبولهم عروسة اخري...و انا لا

نكرهم لفروخ الصغار..يدوروا عرايا هكاكة من غير حتي مشكلة...اش عندهم زايد علية ياخي؟...لا بل بالعكس...و حتي ربي سبحانو ما يعمللهم شيء...ما ثمة كان احنا يحرقنا بالنار...نكرهم لفروخ الصغار...